Një ditë pas ngjarjes që tronditi vendin, 19-vjeçari Grei Bihuci është përcjellë sot për në banesën e fundit nga familjarët, të afërmit dhe miqtë të cilët me lot në sy dhe të pikëlluar kanë kujtuar momentet e fundit me të.
Ata kanë ndezur qirinj dhe kanë vendosur trëndafila në vendin ku ndodhi sherri banal me pasojë vrasjen e të riut dhe plagosjen e mikut të tij.
“Grei ishte vëllai jonë, një nga djemtë më të mirë në stafin tonë . Na vjen keq që u ndodh në vendin e gabuar dhe në momentin e gabuar. Nuk ishte djalë që sillte probleme, si në punë ku ne e kishim dhe në familje nuk kemi dëgjuar të kishte ndonjë sjellje të keqe.”
Kolegu i të ndjerit gjeti rastin t’u bëj thirrje të rinjve që të qëndrojnë me këmbë në tokë.
‘Si pjesë e stafit ishte një djalë i përkushtuar i dashur. Thirrja që duhet të bëjë është që të mundohet rinia e sotme të qëndrojë sa më shumë me këmbë në tokë që mos të përfundoi si Grei. Shprehim ngushëllime familjes jemi shumë të shokuar nga kjo.’
Po ashtu edhe një kolege ka treguar se sa i dashur ishte Grei me fëmijët e saj por edhe gjithë stafin e klientët e pastiçerisë ku punonin bashkë.
“Nuk ishte thjesht shoku jonë, kolegu jonë por ishte vëllai jonë. Dinte të thërriste vetëm motër. Ka mbajtur fëmijët e mi në krah, më vjen shumë keq. Nuk ka për t’u harruar kurrë, më vjen keq për nënën e tij, motrat e tij. Grei ke për të mbetur gjithmonë në zemrat tona. Nuk ishte thjesht vetëm një djalë, por ishte gjithçka për ne”.
Arrestohen 2 persona. Si ndodhi ngjarja?
Në pranga ka rënë një 17-vjeçar, Klajdi Muka si bashkëpunëtor. 19-vjeçari u qëllua me thikë nga Florjan Muka 18 vjeç dhe Klajdi Muka, 17 vjeç në qendër të Fierit, të cilët janë kushërinj të parë. Në cilësinë e provës materiale janë sekuestruar një mjet prerës (thikë) dhe një përforcues grushti, të cilat janë gjetur në vendin e ngjarjes.
Sherri ka qenë mes dy kushërinjve me 20-vjeçarit Olsi Serjanin, i cili ka mbetur i plagosur. Grei Bihuci është vrarë askdientalisht, pasi është futur për të ndarë sherrin mes dy kushërinjve dhe 20-vjeçarit Olsi Serjani, të cilin i riu e kishte shok.
