Edhe motrat e saj të ftuara në emisionin “Xing me Ermalin”, konfirmuan se nuk do ta marrim vesh kurrë nëse Arilena Ara ka të dashur.
Këngëtarja u tregua shumë e prerë në këtë drejtim, dhe nuk zbuloi asnjë detaj në lidhje me jetën private pavarësisht këmbënguljes së vazhdueshme të Ermal Mamaqit dhe stafit të tij.
Gjithsesi, Arilena ka marrë një super propozim për martesë dhe këtë nuk ngurroi ta tregojë. Një zotëri i kishte shkuar në shtëpi për t’i kërkuar dorën për djalin e tij, i cili e kishte parë Arilenën në televizor dhe e donte për nuse.
Pretendenti, sipas të atit, ishte serioz dhe aq i fortë saqë ndeshej me arushën:
“Para 2 vitesh vjen në shtëpi një zotëri nga shumë larg dhe i kërkon mamit dorën time. Djali vetë më kishte parë në televizor dhe më donte për grua. Donte të ma ngopte mua djalin e tij. ‘E kam djalin serioz, të mirë, kam derra, kam pula, kam lopë, prodhojmë kaq qumësht në vit. Madje djali im është aq i fortë sa ndeshet me arushën’, tha.
“Mami i tha që s’kemi vajzë për të martuar se janë të vogla, do mbarojnë shkollën. Ai tha të mendohemi dhe kishte sjellë një top të madh me gjalp. Mamit i pëlqeu ta mbante gjalpin me thënë të drejtën. Ja mori dhe i tha vajzën nuk ta jap. Iku ai, e mbajtëm topin”, tregoi Arilena.
