Një nga netët më të rëndësishme të modës po afron. E kemi fjalën për eventin “Met Gala” 2017 që do të mbahet të hënën, më 1 maj.
Por cila është tema e këtij viti?
Rei Kawakubo, themeluesja dhe dizajnuesja e shtëpisë së modës “Comme des Garçons”, është frymëzimi i galasë së këtij viti dhe do të shoqërojë ekspozitën e Institutit të Kostumeve në “The Met”. Muzeu e konfirmoi temën tetorin e vitit të kaluar.
Kjo shënon herën e dytë që një shfaqje e “Met Gala” nderon një dizajnues që jeton akoma, i pari ka qenë Yves Saint Laurent, i cili u nderua në vitin 1983.
Sipas “New York Times”, shfaqja do të përfshijë 100-120 pjesë që nga viti 1981, kur Kawakubo nisi fillimisht të shfaqej në Paris, deri më tani. “Met Gala” do të mbahet më 1 maj 2017, ndërsa Katy Perry, Pharrell Williams, Gisele Bundchen dhe bashkëshorti Tom Brady do të jenë moderatorët e eventit.
Kodi i veshjes?
Avangardë! Ky është një kod i përshtatshëm i veshjes duke patur parasysh dizenjet e pazakonta të Kawakubo për “Comme des Garçons”. Ne do të shohim shumë të ftuar (dhe dizajnues) të thyejnë kufijtë e modës në tapetin e kuq.
Të ftuarit?
Shtuar emrave të njohur, presim të shohim edhe Kim Kardashian, Blake Lively, Brie Larson dhe celebrities të tjerë.
Biletat
Nuk janë aspak të lira, bileta kushton 30,000 dollarë dhe një tavolinë 275,000 dollarë, sipas “Forbes”.
Burimi: Harper’s Bazaar
