Khloe Kardashian është bërë nënë e një vajzë dy ditë më parë në një spital afër Cleveland.
33-vjeçarja lindi mes lajmeve të bujshme për tradhtinë e partnerit, Tristan Thompson, të cilit iu publikuan disa video ku shihej në marrëdhënie intime me disa femra.
Por ndërsa mediat ende i bëjnë jehonë tradhtisë së Tristan, motra e Khloe-s, Kim ka ndarë një detaj mjaft prekës nga salla e lindjes.
Të premten ajo i bëri një dedikim emocionues të motrës, dhe zbuloi se kishte qenë brenda me të në sallë duke i mbajtur këmbën, gjatë kohës që Khloe shtynte për të sjellë në jetë vogëlushen:
“Unë jam aq e lumtur për ty, vajza jote është kaq e bukur! Ti je aq e fortë dhe e bërë të dukej një gjë e lehtë. Jam kaq e lumtur që isha në gjendje të të ktheja favorin, të mbaja këmbën tënde ndërsa shtyje LOL”, shkroi ajo.
Më pas në një postim të dytë Kim bëri një përshkrim të këndshëm për vogëlushen e sapolindur:
“Është kaq e mrekullueshme”!
