“Mos kini frikë se s’do bëj këngë”, kështu shprehej dikur ish-konkurrentja e “Për’puthen” Antonela Berisha, duke ironizuar edhe ish-konkurrentët e tjerë që kanë publikuar projekte muzikore pas programit.
Por “kurrë mos thuaj kurrë”! Antonela Berisha ka publikuar së fundmi një këngë në bashkëpunim me ish-banorin e “BBV” dhe këngëtarin Sabian Medini.
Kënga titullohet “Barbie Barbie” dhe menjëherë ka marrë vëmendjen e ndjekësve, të cilët nuk janë kursyer edhe me kritika.
Kujtojmë se ish-konkurrentja e “Për’puthen” reagoi pak kohë më parë reagoi ashpër për disa deklarata të Big Mamës. Me anë të disa shkrimeve të gjata në Instastory, Antonela u shpreh se nuk ka dashur të komentoj deklaratat ku përmendet emri i saj, por që sipas saj kishte pak minuta kohë dhe mund t’ia lejonte vetes të jepte disa leksione falas.
Përpos kësaj ajo i ka dhënë tri leksione të gjata, ku ndër të tjera, ka përmendur edhe “Top Festin” e 2005-të, duke ironizuar kështu Big Mamën, pasi sipas Berishës ai është viti i vetëm ku artistja njihet.
E për ta përmbyllur, me këngën e Big Mamës “Kot e kot”, Antonela e ka thumbuar këngëtaren duke u shprehur se e xhelozon: “Ti kot e kot xhelozon në mua.”
Kujtojmë që sherri midis Antonela Berishës dhe Big Mamës daton që më herët, ku vajzat ishin konkurrente në “Big Brother Vip”.
Debati i ashpër me Antonelën u bë shkak që Big Mama të largohej nga shtëpia e “Big Brother Vip”. Gjithçka nisi për shkak të një sharjeje në serbisht, siç Antonela akuzoi Big Mamën se e kishte përdorur brenda ambienteve të shtëpisë.
Debati degradoi deri në atë pikë, sa Big Mama shpërtheu në ofendime para kamerave dhe kërkoi me dëshirën e saj të plotë të largohej nga shtëpia e “Big Brother VIP”.
