Një martesë mbretërore do të thotë më shumë të ardhura! Të paktën kjo shprehje vlen për Britaninë e Madhe dhe dasmën e ardhshme të Princit Harry dhe Meghan Markle, e cila mendohet se do t’i sjellë ekonomisë vendase rreth 680 milionë dollarë, sipas “Reuters”.
Raporti merr në konsideratë numrin e turistëve që pritet të hyjnë në vend për ceremoninë më 19 maj, si një nga arsyet kryesore për rritjen e të ardhurave.
“Mendojmë se rreth 200 milionë paund do të vijnë nga turizmi, udhëtimet, hotelet”, tha shefi ekzekutiv i “Brand Finance”, David Haigh, për “Reuters”. Kjo shumë përkthehet në mbi 270 milionë dollarë.
Ai gjithashtu parashikon që 202 milionë dollarë të shpenzohen për festat dhe 68 milionë dollarë do të vijnë nga blerjet e produkteve simbolike, si bluza, kapele dhe suvenire të tjera. Dasma gjithashtu do t’i japë Anglisë mbi 135 milionë dollarë në reklamat falas në mbarë botën.
“VisitBritain”, agjencia kombëtare e turizmit, vlerësoi se 41.7 milionë turistë pritet të vizitojnë Britaninë e Madhe gjatë vitit 2018.
Nga kjo na lind pyetja, po dasma e Princ Lekës sa të ardhura i solli Shqipërisë?
Burimi: Harper’s Bazaar
