Moderatorja e njohur e “Top Channel”, Alesia Bami, ishte sot në një intervistë të sinqertë për rubrikën “N’fermë”, në “E diell”, së bashku me Nevina Shtyllën.
Gjatë intervistës, Alesia hapi zemrën për publikun dhe tregoi gjëra të cilat i kishte mbajtur të fshehta deri tani.
Moderatorja tregoi se nuk e kishte përjetuar mirë famën në fillimet e saj dhe situata ishte bërë aq e vështirë, sa ajo ishte mbyllur me javë të tëra në shtëpi.
Mirëpo, personi që e kishte ndihmuar ta kalonte këtë situatë dhe i kishte dhënë më shumë besim, ishte babai i Alesias.
Ai e kishte këshilluar të ndiqte zemrën dhe të mos dëgjonte askënd, pasi e dinte mirë çfarë vajze kishte.
“Kur kam qenë 14-vjeç, kur ishte boom-i i parë, ishte shumë e vështirë ta menaxhoja të gjithë vëmendjen e marrë nga njerëzit. Unë e përjetova keq. Isha mbyllur në shtëpi, nuk dilja për një javë të tërë dhe rrija e zverdhur tërë kohës, qaja dhe më bëri habi babi, që vjen, më shtrëngon dhe më thotë “Hejj, unë e di ça vajze kam, e di që ti nuk do gabosh kurrë, prandaj ndiq rrugën tënde dhe mos mendo për asgjë.” Realisht më ka surprizuar shumë dhe ishte një moment shumë prekës”- rrëfeu moderatorja.
View this post on Instagram
