Kaloi vetëm pak kohë nga ndarja e Scott Disick dhe Sofia Richie-t dhe rrjeti sërish po zien nga lajmet rozë.
Teksa të gjithë besonin në ribashkimin e çiftit, Scott u kap mat me një brune bukuroshe në Malibu, ku dukej se po shijonte në maksimum shoqërinë e saj gjatë darkës.
E vuajti ndarjen Sofia thoni ju? Epo, për të Scott duket se është e shkuar, e harruar!
22-vjeçarja s’ka humbur kohë dhe ka dalë në një takim me biznesmenin Matthew Morton, drejtues i kompanisë ‘Cha cha matcha’.
Burime për ‘Daily Mail’ kanë zbuluar se Sofia dhe Matthew kanë darkuar në Malibu, mirëpo ende nuk dihet ç’po ndodh saktësisht mes tyre.
Morton përpiqet të ruajë një profil sa më privat, megjithëse emri i tij është jo pak i njohur. Mbetet të presim për të mësuar më tepër ç’po ndodh mes çiftit të ri.
