Tifozët e ish-kampionit të Formula 1, Michael Schumacher, nuk kanë ende asnjë informacion në lidhje me gjendjen e tij shëndetësore.
Megjithatë, një media kineze, “Yibada“, e cila ka zyra në 35 kryeqytete të botës, pretendon se Schumi tani mund të ecë pas shumë muajsh i bllokuar në shtrat.
Schumacher thuhet se është në gjendje të ecë me ndihmën e terapistëve të tij. Informacionet e reja rreth pilotit të famshëm të F1 vijnë para një “terri mediatik” gjithnjë e më të madh rreth gjendjes së tij shëndetësore dhe e gjitha kjo me kërkesë të familjes së tij.
Ish-piloti i Formula 1 Philippe Streiff tha se, Schumacher është i vendosur në karrocë invalidi, sepse nuk është në gjendje të lëvizë në mënyrë të pavarur.
Piloti më i suksesshëm në historinë e Formula 1, u aksidentua me ski në dhjetor të vitit 2013 dhe pësoi dëmtim të rëndë në kokë dhe tru pas përplasjes në një shkëmb. Ai ishte në gjendje kome deri në shtator 2014, kohë pas së cilës kurimin e vazhdoi në shtëpi.
