Ai tha se u takua me ish-të dashurën, Sarah Jessica Parker, vitin e kaluar.
Ndërsa tani vetë aktorja foli për të njëjtën eksperiencë, duke zbuluar se takimi me Robert Downey Jr. në 2015-n ishte një eksperiencë e bukur.
51-vjeçajra u shpreh gjatë programit “The Howard Stern Show”, ditën e martë, se ritakimi me ish-të dashurin e saj, me të cilin ka qenë e lidhur nga 1984 deri në 1991, “ishte tepër i këndshëm”.
“Nuk ishte aspak e çuditshme”, tha aktorja për ritakimin e tyre. “Mendoj se të kalosh kaq shumë vite me dikë ndërkohë që dy ishim 18 vjeç kur u takuam, thellë-thellë na bën të jemi të njëjtët, më kupton ku dua të dal? Unë gjithmonë kam qenë e afeksionuar ndaj tij”.
Sarah dhe Robert ka qenë me njëri-tjetrin për 7 vite rresht dhe i dhanë fund marrëdhënies së tyre në 1991-shin. Aktorja shtoi më tej se ndarja e tyre ishte tepër miqësore, por që nga ajo kohë Parker nuk është interesuar asnjëherë për të.
“Mendoj se përfundoi mirë. Ne ishim të rinj dhe u ndamë, por asnjëherë nuk u interesova për mirëqenien e tij. Nuk ndjeva kurrë pakënaqësi ose hidhërim”, u shpreh aktorja e “The Sex and the City”.
Burimi: Daily Mail
