Nëse ende nuk jeni fiksuar me ndonjë aksesor këtë sezon, na lejoni t’ju japim tre të tillë që do të jenë motivi juaj për të dalë nga shtëpia çdo ditë. Ky Muaj Mode na bëri të mendojmë se në krahasim me verën, për këtë sezon kemi pak aksesorë. Por nëse dhe ju jeni me shprehjen “pak dhe saktë” atëherë po lexoni artikullin e duhur.
“Iconstyle.al” ju vjen në ndihmë me një rubrikë të veçantë me këshilla që blogeret më të njohura shqiptare do të japin për lexuesit tanë. Vajzat e famshme të Instagramit do të na tregojnë trendet e vjeshtës duke sugjeruar 3 aksesorët apo veshjet “must” dhe si mund t’i kombinojmë ata.
Fashionista e njohur Sara Kolami na ka ndihmuar duke na treguar 3 aksesorët e saj të preferuar të vjeshtës dhe si t’i kombinojmë. Cilët janë këta aksesorë? Është shumë e thjeshtë, atletet e bardha, çanta në ngjyrë neon dhe kapelja në ngjyrë pastel.
1.Çanta në ngjyrë neon
Çanta në ngjyrë neoni është e preferuara e Sara Kolamit dhe një ndër trendet e vjeshtës 2018. Ajo tërheq vëmendjen dhe thyen monotoninë në paraqitjen tuaj.
Mund ta kombinoni lehtësisht dhe shkon me çdo stil veshjeje. Guxoni dhe provoni të luani me nuancat e ndryshme të neonit, që nga e verdha, e gjelbra dhe deri tek ngjyra rozë e theksuar.
2.Beret në ngjyra pastel
Ngjyrat pastel i japin një ëmbëlsi look-ut tuaj veçanërisht nëse bëhet fjalë për aksesorë.
Kjo kapele Beret në ngjyrë rozë është e preferuara e fashionistes Sara Kolami, e cila e ka kombinuar me një bust të bardhë, atlete të bardha dhe xhinse.
3.Atletet e bardha
Atletet e bardha do të vijojnë të zënë vendin e parë ndër aksesorët e tjerë “must”, edhe këtë sezon vjeshte.
Mund të kombinohen me çdo stil veshjeje, nga ai sportiv me xhinset dhe T-shirt, te fustanet, kostumet njëngjyrëshe apo xhaketat e vjeshtës.
