Modelja e njohur Endi Demneri ishte dje e ftuar në emisionin e pasdites “Rudina”, e cila tregoi pasionin e saj për pikturën. Madje për ta demonstruar këtë kishin realizuar edhe një insert teksa ajo pikturon në një telajo.
“Kjo është piktura me të cilën po merrem për momentin”, rrëfeu Endi gjatë insertit.
Menjëherë pas kësaj deklarate të modeles së njohur kanë shpërthyer komentet e miqve dhe kolegëve të saj, të cilët ndjekin të njëjtën shkollë me bukuroshen. Ata nëpërmjet postimeve në “Instagram” kanë treguar se në fakt ajo nuk është një pikturë e saj.
Sara Kapo është një ndër personazhet që ka zgjedhur të reagojë nëpërmjet një postimi në “Instastory” në lidhje me pikturën që Endi e quan punim të sajin.
“Nuk e di me çfarë guximi këto fotomodelet marrin pikturën e dikujt tjetër dhe e shpallin si të vetën në televizion. Turp dhe gjynah për ty zemër!”, ka shkruar Sara në postimin e saj.
Ndërsa Endi nuk ka reaguar ende në lidhje me këto komente dhe akuza të drejtpërdrejta për të.
