Sara Hoxha në 18 janar festoi ditëlindjen e saj të 22-të. Kjo ishte një ndër ditëlindjet e saj më të bukura edhe pse ndryshe nga çdo vit zgjodhi ta festonte në një ambient familjar, larg syve të të gjithëve.
Lori ishte ndër të parat që e uroi të motrën me fjalë zemre.
“Falënderoj Zotin që në këtë ditë zgjodhi të lindje ti sepse nuk e di se si do ta kaloja jetën time pa ty. Ti i bën jetët tona edhe më të mira. Të dua shumë”, ka shkruar Lori atë ditë në një postim në “Snapchat”.
Ndërkohë që kanë kaluar disa javë më në fund Sara ka marrë dhe dhuratën nga Lori. Ajo ka publikuar në rrjetet sociale dhuratën e veçantë, një kornizë me foto mjaft simpatike të të voglit London Noor.
“Më në fund”, shkruan Sara në foton e postuar në “Instagram”.
Një ide shumë e veçantë dhe na tregon të gjithëve se me pak fantazi mund të realizojmë dhuruara që mund t’i surprizojmë të afërmit tanë. Dhurata që nuk kushtojnë shumë lekë, por kanë brenda një peshë të madhe dashurie.
