Kim Kardashian dhe Kanye West pak ditë më parë u bënë prindër për herë të tretë. Ardhja në jetë e vajzës së tyre nga një nënë surrogate ngjalli kureshtjen e të gjithëve, veçanërisht në lidhje me emrin që ata do t’i vendosnin, duke pasur parasysh emrat e dy fëmijëve të tjerë North dhe Saint.
Kim vendosi të ndajë me të gjithë emrin e vajzës vetëm 3 ditë pasi ajo kishte ardhur në jetë. Chicago quhet vajza e saj, një emër ky që i befasoi të gjithë.
Chicago West. https://t.co/3MyLwcIzTh
— Kim Kardashian West (@KimKardashian) January 19, 2018
Kim sqaroi se çifti vendosi të përzgjidhte këtë emër si nderim për vendin e lindjes së Kanye dhe si homazh për nënën e tij të vdekur. Edhe emrat e dy fëmijëve të tjerë që ne na duken të çuditshëm, për Kim kanë një domethënie. Ajo ia vendoi emrin vajzës së parë North sepse për të ajo është fuqia më e lartë që i bashkon në një pikë të përbashkët. Ndërsa djalit ia vendosi emrin Saint, si një bekim dhe shpëtim për të duke pasur parasysh shtatzëninë e vështirë që ajo kaloi.
Kim dhe Kanye nuk janë çifti i vetëm i famshëm që i kanë vendosur fëmijës së tyre emrin e një vendi, pasi edhe një çift shqiptar ka bërë të njëjtën gjë, madje para tyre.
Sara Hoxha dhe Ledion Liço e quajtën djalin e tyre London Noor dhe ky ka një kuptim të veçantë për çiftin.
“London, sepse është vendi ku babai yt dhe unë kultivuam dashurinë për njëri-tjetrin; Noor, sepse ti je drita e jetëve tona dhe sepse Noor (Dritë)+Itan= Dritan”, ka shpjeguar Sara kohë më parë.
