Sara Hoxha dhe Ledion Liço janë bërë prindër për herë të tretë. Kështu ka raportuar së fundmi News31.
Tashmë dyshja janë bërë prindër të një vajze. Kujtojmë që ata kanë edhe dy djem të quajtur London dhe Roman.
Mirëpo ende pritet një konfirmim zyrtar nga Sara dhe Ledioni.
Më herët, Sara theksoi gjatë intervistës për “Më lër të flas” se nuk kanë gjetur një emër për vajzën, madje janë ende në dilemë.
“Unë zakonisht dal flas për intervista kur kam një projekt të madh siç është projekti im për momentin. Jam gjashtë muajshe, me dy fëmijët e parë ishte vendosur që në muajin e dytë, por goca e Ledionit është më e veçantë se sa çunat e Ledionit dhe asgjë nuk e bind për momentin. Ma ndërron edhe akoma jemi pak në dilemë”, theksoi Sara.
Mirëpo, Donaldi e ngacmoi duke i thënë se nëse emri i vajzës do të jetë një emër qyteti.
“Jo, do të ishim qesharakë”, tha ajo.
Ja si vijoi më tej biseda:
Donald Veshaj: Ku e keni krijuar vajzën?
Sara Hoxha: Ishim në Vjenë.
Donald Veshaj: Aa Vjena.
Sara Hoxha: Nuk e ka emrin Vjena.
Donald Veshaj: Vjena është emër shumë i bukur, por në fakt është emër zysh matematike.
Sara Hoxha: Nuk besoj të ketë emër qyteti.
