Sara Gjordeni dhe Bardhi zbuluan sot gjininë e bebit të tyre dhe ata së shpejti do të bëhen prindër të një vajze. Dyshja kanë marrë shumë urime të bukura nga fansat dhe të afërmit të tyre teksa ndanë një video të ëmbël, ku zbuluan ngjyrën rozë të tortës. Të dy janë shfaqur shumë të emocionuar dhe në lot gëzimi.
Një urim për të ka ardhur edhe nga fituesja e “Big Brother Vip”, Egla Ceno përmes një videoje në Instagram. Egla ka patur shpesh përplasje me Sarën gjatë qëndrimit në shtëpinë më të famshme por duket se me përfundimin e formatit inatet mes tyre janë lënë pas.
