Nëse do të jetonte, sot Dritan Hoxha do të festonte 55-vjetorin e lindjes. Këtë ditë e ka përkujtuar në një story në Instagram vajza e tij, Sara Hoxha e cila ka ndarë një postim të Digitalb.
Jo vetëm Sara, edhe Arbana ka bërë një dedikim në rrjetin social për këtë datë të rëndësishme për themeluesin e televizionit ku ajo punon.
“Gëzuar ditëlindjen Tani dhe faleminderit për frymëzimin që vazhdon të më japësh edhe nga atje lart,”-shkruan moderatorja.
Dritan Hoxha ka themeluar radiot Top Albania, Top Gold dhe My Music, televizionin Top Channel, gazetën “Shqip”, platformën e parë në Shqipëri për transmetime digjitale tokësore dhe satelitore, DigitAlb dhe më pas, edhe për transmetime në celular sipas teknologjisë DVB-H.
