Kosova ka qeverinë e saj tre muaj pas përfundimit të zgjedhjeve. Qeveria e kryeministrit Ramush Haradinaj, mori shumicën e thjeshtë me 61 vota, përballë saj një opozitë e fortë e 58 deputetëve nga Vetëvendosja dhe LDK.
Me 61 vota pro, asnjë kundër, një abstenim, pa prezencën e opozitës në sallë, Kuvendi i Kosovës zgjodhi qeverinë e re me kryeministër, Ramush Haradinajn.
Pas marrjes së mandatit Haradinaj i është drejtuar bashkëshortes së tij Anitës për ta përqafuar atë.
Çifti i njohur pavarësisht vështirësive që kanë kaluar, asnjëherë nuk e kanë reshtur mbështetjen për njëri-tjetrin.
Kryeministri i ri i Kosovës, i ka dhuruar një puthje në buzë bashkëshortes së tij, duke e bërë edhe më të bukur këtë moment të rëndësishëm në jetën e tyre.
