Belen Rodriguez ishte e ftuar së fundmi në emsionin “Domenica In”, ku rrëfeu mjaft detaje nga jeta e saj personale.
Modelja foli për historinë e dashurisë me Antonino Spinalbes. Gjatë intervistës, ajo u pyet gjithashtu edhe në lidhje me fundin e historisë me balerinin Stefano De Martino, babai i fëmijës së saj, Santiagos.
Kujtojmë se Belen dhe Stefano u rikthyen bashkë pas 6 vitesh, mirëpo lidhja nuk zgjati shumë dhe ata u ndanë gjatë periudhës së karantinës.
Ajo foli për partnerin e saj aktual, Antonino Spinalbesen ku tha se i biri Santiago e priti shumë mirë lidhjet e tyre.
“Fëmijët e kuptojnë. Santiago është një fëmijë i veçantë. Ai ka një inteligjencë superiore. Jo sepse është djali im, por e ka. Santiago është njësoj si babai i tij, por inteligjencën e ka marrë nga unë”, -tha Belen.
“Unë besoj se fëmijët e kuptojnë kur prindërit e tyre japin gjithçka. Kur ka probleme në një familje, unë besoj se familja ka të drejtë ta provojë përsëri edhe për fëmijët. Kur ai jetoi këtë kthim me Stefano-n, ai e kuptoi që nuk funksiononte. Nuk ishte diçka e keqe, thjesht nuk funksiononte. Ata dorëzohen vetë, sepse e shohin që bëtë më të mirën tuaj. Fëmijët pastaj qëndrojnë me ne 24 orë në ditë, nënat e kanë më të vështirë të fshehin vuajtjet. Kujtoj që Santiago trokiti në derë, hyri në banjë dhe më tha: ‘Mami mos u shqetëso, do të kujdesem unë’. Më duhej shumë kohë të isha e lumtur, sepse vuajtjet kishin filluar që 4 vjet më parë. U përpoqa përsëri, por pashë që nuk funksionoi. Ishte një zhgënjim i vazhdueshëm. Pastaj, kur pa buzëqeshjen e nënës së tij, ishte një çlirim për të. Ai më tha (për Antonino-n): ‘Ky njeri është i duhuri’. Dhe unë i besova”, u rrëfye Belen.
