Zgjedhjet e 25 prillit po afrojnë dita-ditësh, ndërsa kandidatët e partive politike po mundohen të bëjnë për vehte votuesit në të gjitha mënyrat.
Së fundmi, kandidati i PS-së për deputet në qarkun e Tiranës, Ervin Bushati, i cili pjesë të kësaj fushate ka bërë këngëtarin e njohur me të njëjtin emër dhe mbiemër siç ai, Ervin Bushatin.
Këngëtari Bushati po këndonte në një studio muzikore këngën e tij të njohur “Jepma mollën”, teksa kandidati ka improvizuar takimin me të, ku dhe kanë shkëmbyer disa batuta me njëri-tjetrin.
Këtë video e ka publikuar në Instagram vetë kandidati, krahas së cilës shkruan “Jepma Votën”.
Moderatorja e ABC Neës, Sibora Bitri, ka komentuar në Instagramin e kandidatit duke e shoqëruar me nota ironie, pasi sipas saj kjo ideja ishte e menduar nga ajo.
“Jepni mollët, jepni votat, po jepni dhe burimin e frymëzimit për këtë ide”, shkruan ajo.
Kujtojmë se më herët moderatorja e emisionit “ABC e Mëngjesit”, Sibora Bitri, ka filluar të këndojë në këndin e kuzhinës këngën e njohur të Ervin Bushatit të titulluar “Jepma mollën”.
Bitri, mes batutave që po shkëmbente me kuzhineren, Florienca Reçi, tha se kjo këngë është kënduar nga deputeti Ervin Bushati, ku dhe bëri më pas një krahasim sesi kishte ndryshuar ai gjatë viteve.
