Samanta Karavella është një këngëtare mjaft simpatike dhe e dashur për publikun shqiptar. Ajo është shumë diskrete sa i takon jetës së saj private mirëpo këngëtarja vijon marrëdhënien e saj të dashurisë me Chris Miele. Ata janë fejuar dhe vazhdojnë jetesën e tyre në Shtetet e Bashkuara të Amerikës .
Gazeta Express shkruan se Chris operon në fushën imobiliare ndërsa Samanta vijon me karrierën e saj si këngëtare.
Mësohet se dyshja janë njohur nga miq të përbashkët e që atëherë, ata u dashuruan me njëri tjetrin.
Samanta i tha “Po” propozimit të Chris dhe tashmë ata po planifikojnë martesën, shkruan Gazeta Express. Thuhet se ata do të zhvillojnë ceremoninë e martesës së tyre në SHBA.
Nga ana tjetër, projektet muzikore nga ana e Samantës nuk mungojnë asnjëherë edhe pse herë pas here bën pauza të shkurtra .
Karriera e saj muzikore po ecën tepër mirë, duke qenë se në vitin që lamë pas nisi punën për një album të ri të quajtur, “Mama”.
Më herët, këngëtarja ka publikuar një projekt muzikor që titullohet “Margarita” si dhe më herët këngën “Vaj”, që ka grumbulluar mbi 1 milionë klikime.
Sa i takon jetës private, Samanta gjithnjë ka qenë e fshehtë dhe shumë e rezervuar, duke mos rrëfyer asnjëherë detaje.