Moderatoret e “Portokallisë” kanë qenë gjithmonë në vëmendjen e shikuesve të spektaklit, për vetë faktin se ato janë ndërruar shpesh herë.
Duke filluar që nga Ornela Bregu, Amarda Toska, Xhemi Shehu, Eneida Tarifa, këto janë disa nga personazhet e njohura të ekranit që janë ndryshuar përgjatë sezoneve të njëpasnjëshme të spektaklit.
Ndërkohë, Salsano Rrapi ka treguar si fundmi se si qëndron puna me ndërrimin e shpeshtë të këtyre moderatoreve:
“Unë kam prezantuar vetëm me Enedën dhe Xhemin. U nis me Enedën që ishte 12 sezone, 6 vjet, pastaj erdhi Xhemi, një sezon ishim bashkë, pastaj iku Eneda, mbeti Xhemi. Sepse u bë kjo stafeta, na erdhi dikush tjetër për ta bërë më të zbutur stafetën”.
“Kur ka filluar ky program u mor spunto nga Zeling i Italisë. Këtë kishte si qëllim, të bënte një Zeling në Shqipëri dhe Zeling kështu e ka traditën, moderatori nuk lëviz, vetëm femrat lëvizin. Claudio Bisio ka ndenjur rreth 14-15 vjet dhe vetëm femrat lëviznin”.
