Bes Kallaku vendosi para 3 vitesh të largohej përfundimisht nga “Portokallia’-a, pas një pune disavjeçare ne spektaklin e humorit. Ai nisi një rrugëtim të ri në “Be Caffee” me Erion Isian dhe Olsi Bylykun, mirëpo ky projekt mes tre aktorëve nuk zgjati shumë. Sot ata vazhdojnë rrugën të ndarë nga njëri-tjetri, por “Portokalli”-a mbetet një nga eksperiencat më të bukura për ta.
Të gjithë kanë kujtime të vyera nga spektakli i humorit dhe së fundmi Salsano Rrapi ka ndarë një nga momentet më epike me Bes Kallakun. Salsano ka publikuar në Instagram një video gjatë prapaskenave, ku shihet përkrah Besit dhe aktorëve të tjerë duke performuar e kërcyer. Në një moment Salsano përplaset me Besin dhe ky i fundit rrëzohet përtokë.
Ky çast ka shkaktuar shumë të qeshura tek të gjithë, por Salsano ka treguar se aty Besi e mori “inat”.
“Ky ishte rasti që më mori inat Bes Kallaku mua, more Gaz Paja”, ka shkruar Salsano përkrah videos.
View this post on Instagram
Menjëherë pas postimit kanë nisur komentet nga kolegë të tjerë të tyre, që shprehen se nuk është ndonjë çudi që Bes Kallaku të aksidentohet në skenë. Ka pasur raste që ai është rrëzuar edhe para publikut, diçka që është mëse normale për aq kohë sa shfaqjet mbahen live .
