Saimir Tahiri pozon duke kalëruar, PD-ja i zbulon shifrën marramendëse të shalës së kalit

Ish-ministri i Brendshëm, Saimir Tahiri, ndau ditën e djeshme me ndjekësit e tij në rrjetet sociale një foto duke kalëruar.

Ai na prezantoi me Galan, por Partisë Demokratike i tërhoqi vëmendjen çmimi i shalës së vendosur për të kalëruar mbi të.

Lexo edhe :

Zhvillim i madh! 92% e qelizave të kancerit të lëkurës mund të shkatërrohen me terapi të saktë me dritë

16:00 09/12/25

Çaj apo kafe? Si ndikojnë në shëndet dhe jetëgjatësi

15:45 09/12/25

Nënkryetari i PD-së, Edi Paloka, përmes një postimi u shpreh se, Tahiri sfidon drejtësinë “duke shaluar mbi 7.500 euro mbi kalë”, duke qenë se dosja e tij është një ditë para verdiktit nga Gjykata e Lartë.

“Shala mbi të cilën relaksohet Tahiri, në internet nuk blihet dot më lirë se 7.500 euro. Ja dhe adresa ku mund të gjeni edhe ju një shalë me çmim të kripur, që ish-ministri ia lejon vetes madje edhe publikisht”, shkruoi Paloka.

Shala e kalërimit është e markës Hermes dhe në përshkrim thuhet se të ofron balancë, komoditet dhe një kontakt të afërt me kalin, që e bën atë ideale për kërcime. Nga ana tjetër, bazuar në fotot e publikuara nga Tahiri nuk duket të jetë e njëjta shalë.