Ish-ministri i Brendshëm, Saimir Tahiri nuk do të jetë më pjesë e Kuvendit.
Ai ka dorëzuar mandatin e deputetit dhe nëpërmjet një konference për shtyp u shpreh se ka 6 muaj që dëgjon gënjeshtra për veten, në lidhje me akuzat për trafik droge.
“Unë kam 8 vjet në Parlament e më duket sikur kam 80. 4 vjet isha Ministri i Brendshëm e me sa akuza e shpifje kam dëgjuar, më duket sikur në këtë vend nuk ka patur tjetër Ministër të Brendshëm veç meje. Por e vërteta ka çmim, dhe unë këtë e dija”.
Saimir Tahiri u shpreh se mezi pret që drejtësinë ta kërkojë në gjykatë, por gjyqin publik që po i bëhet me akuzat e panumërta nuk di ku ta bëjë.
“Fuqia ime është e vërteta ime dhe nuk do resht deri në fund”, tha Tahiri, teksa njoftoi lënien e mandatit te deputetit, duke theksuar se nuk ka nevojë për asnjë mbrojtje, pasi është i bindur dhe beson tek e vërteta e tij.
Për fjalimin e plotë kliko (këtu)
