Saimir Tahiri do të hetohet në gjendje të lirë, pasi Gjykata e Apelit ka vendosur të shfuqizojë vendimin e Gjykatës së Krimeve të Rënda për masën “arrest shtëpie”.
Avokati Maks Haxhia ka shprehur se tashmë Tahiri nuk ka asnjë masë sigurie pasi nuk ka prova lidhur me veprimtarinë kriminale që akuzohet.
“Përfundimisht Tahiri është pa masa sigurie, Gjykata shfuqizon masën ndaj ish- ministrit, Nuk është fitore personale, por e bazuar mbi ligjin” – deklaroi para mediave avokati Haxhia.
Në një seancë me dyer të mbyllura në Gjykatën e Apelit për Krimet e Rënda,avokati Maksim Haxhia dhe vetë Tahiri kanë këmbëngulur për heqjen e masës së mëparshme me argumentin se nuk kishte prova. Pas kësaj kërkesa u pranua nga gjyqtarët Saida Dollani,Sokol Binaj dhe Nertina Kosova.
Gjithashtu Tahiri në Apel fitoi pasaportën dhe kartë e identitetit.
