Kejsi Medini ishte protagoniste e videos “Pa ty dashni”, një bashkëpunim i babait të saj Sabiani me Marselin.
Zgjedhja e së bijës si modele në një këngë ku ai vetë i këndon një dashurie të humbur, u duk goxha e çuditshme në fillim.
Sot, Sabiani sqaroi se kjo në fakt, nuk ishte një zgjedhje e tija, por kënga është një bashkëpunim me krijuesin Ervin Gonxhi, i cili e ftoi Sabianin ta këndonte.
I ftuar tek Rudina, ai u shpreh:
“Është një këngë e kompozuar nga dikush tjetër. Unë thjesht shkova në studio.”, u shpreh Sabiani.
“Ti do të kishe marrë një modele tjetër?”, e pyeti Rudina.
“Po po”, u përgjigj Sabiani.
Në këtë intervistë, Kejsi u shpreh se ka dëshirë të largohet nga imazhi prej modeleje.
“Unë e kam shumë pasion muzikën. Dua t’i përkushtohem seriozisht. Fotot mund t’i bëj edhe për qejf.”, u shpreh ajo.
