Ishte një nga dhëndurët më të përfolur të vitit, për organizimin e dasmës, bujën e madhe që bëri për të dhe padyshim kostumin e kuq.
Bes Kallaku është i ftuari i radhës i emisionit të Ermal Mamaqit dhe dihet që nuk u shpëton njeri pyetjeve pikante.
Në një video që dy aktorët kanë ndarë në profilet e tyre për puntatën e kësaj të shtune, Besi është përballur me të gjitha llojet e pyetjeve. Siç mund të kuptohet, Ermali nuk mund të linte gjë të shpëtonte pa u sqaruar publikisht, madje edhe për raportin me Xhensilën.
Mes ngacmimeve Besi u pyet edhe nëse Xhensila ka qenë e dashura e tij e parë.
Përgjigjja e tij ishte: “Harrove kur ishim bashkë?”.
Nuk prisnim të thoshte që ishte e para për të, por nuk na shkonte mendja që Besi dhe Ermali “gjuanin” dikur femrat bashkë. Ose mund ta marrim në kuptimin që ata kanë pasur një lidhje të dy!
Sido që të jetë ishte vetëm batutë, sa për ish-et e Besit tashmë pas kaq vitesh vështirë t’i zbulojmë.
Burimi: Instagram
