Në fund të muajit gusht në media qarkulluan me shpejtësi disa foto të Shpat Kasapit me të dashurën, një bukursohe zeshkane e quajtur Selvije.
Ai filloi të shfaqej në publik me të, e rrjedhimisht nuk iu shpëtoi dot syve të mediave.
Gjatë këtyre muajve lajmet rreth tyre ecën me shpejtësi dhe javët e fundit po flitet se ata do shkojnë drejt martesës.
Diçka të tillë e konfirmoi edhe vetë këngëtari mbrëmjen e djeshme, i ftuar në “Shiko kush luan”, ku u shpreh se e kanë në plan dasmën.
Megjithatë ai u tregua shumë i rezervuar në detaje.
Sakaq, ajo që ka tërhequr vëmendje është fakti se Shpati shoqërohej nga partnerja e tij gjatë emisionit, e cila natyrisht ishte pas kamerave.
Por, sikundër e dini para dhe pas spoteve publicitare jepen disa sekuenca nga prapaskenat dhe në një moment kamera ka fiksuar Shpatin me Selvijen.
Të dy duken shumë bukur krah njëri-tjetrit dhe ne mezi po presim t’i shohim edhe në ndonjë intervistë së bashku.
