Gigi Hadid dhe Zayn Malik u bënë prindër për herë të parë në shtator të vitit të shkuar. Çifti i famshëm u bekuan me një vajzë, e cila erdhi në jetë në fermën e familjes Hadid. Për muaj të tërë Gigi e mbajti të fshehtë emrin e vajzës, derisa fansat e mësuan rastësisht nga Instagrami i saj. Supermodelja e zbuloi emrin unik në një mënyrë shumë delikate – duke shtuar fjalët “Mamaja e Khai” në bion e saj të Instagramit në 21 janar.
Ditën e sotme mbushet plot një vit nga ardhja në jetë e bekimit të çiftit dhe tezja, Bella Hadid i ka dedikuar disa fjalë mjaft të ëmbla në “Instagram”.
“Gëzuar ditëlindjen për dhuratën më të madhe me të cilën familja jonë është bekuar ndonjëherë…. Nuk e dija që zemra ime mund të bëhej kaq e madhe !!!! Ti më bën të buzëqesh kur jam e trishtuar dhe më bën të qaj nga lumturia vetëm sepse je mes nesh. Mezi pres të të shoh të rritesh! @gigihadid @zayn faleminderit për miken time më të mirë”, ka shkruar Bella në dedikimin e saj për mbesën.
E gjithë familja është treguar mjaft e rezervuar kur vjen puna për publikimin e fotove të Khai-t, megjithatë siç shihet, tezja e saj ka vendosur të bëjë një përjashtim duke na treguar sa shumë është rritur ajo.
