Kur vjen puna tek familja e saj, sidomos tek vajza, Rudina Magjistari tregohet gjithmonë shumë e rezervuar. Moderatorja e njohur ka qenë gjithmonë e kujdesshme për të mos zbuluar shumë detaje për jetën e saj private, edhe pse publiku është shumë kuriozë. Postimet e saj me familjen numërohen me gishtat e dorës dhe janë vërtetë shumë të rralla.
Mirëpo së fundmi Rudina e ka thyer rregullin e saj dhe ka ndarë me ndjekësit në rrjete sociale një foto të së bijës. Nga imazhi duket se Mia është rritur shumë, teksa ecën me një çantë në shpinë që mban emrin e saj. Mia shfaqet shumë rrallë në profilin e Rudinës, ndaj sa herë që e shohim habitemi sa shpejt kalon koha dhe sa shumë rritet e vogla. Megjithatë për portretin e Mias do të na duhet të presim eende, sepse mesa duket Rudina është e vendosur të mos ja zbulojë derisa ajo rritet e të vendosë vetë.
Ndërkohë kujtojmë se pak javë më parë Rudina u rikthye sërish në ekran pas një mungese disa ditore për shkak të infektimit me Covid-19. Ajo zbuloi se ishte prekur nga koronavirusi familjarisht dhe se për ta nuk ishte eksperiencë shumë e lehtë.
“Pata unë radhën për ta kaluar Covid-19. Për fat kaloi mirë, ka qenë një histori jo dhe aq e lehtë sa duket në pamje të parë, por që unë nga eksperienca ime kam kuptuar diçka dhe dua ta ndaj me ju. Unë dhe bashkëshorti u infektuam të dy njëkohësisht me Covid dhe patëm fatin e madh që të mos vuanim shumë gjatë kësaj kohe, ama mjekimet i kemi marrë të gjitha.
Që nga shenja e parë që ne dalluam tek vetja jonë dhe një nga mesazhet që unë dua të jap sot, përveç reflektimin të madh që vjen që shëndeti është i pari dhe ne gjithmonë duhet të jemi të kujdesshëm. Flitet gjithë kohës, mbani maskën, ruhuni, ruani distancën. Asnjëherë nuk duhen harruar këto, janë fjalë të vërteta dhe Covidi është real, pas dere dhe shumë i rrezikshëm”, tregoi Magjistari.
