Guvernatori i Bankës së Shqipërisë, Gent Sejko tha sot në një konferencë për shtyp se ekonomia shqiptare humbi 17 mijë vende pune gjatë pandemisë së koronavirusit!
Duke folur në lidhje me pasojat që COVID-19 la këto 4 muajt e fundit, Sejko u shpreh se ekonomia do të shënojë një rënie të madhe për këtë vit.
“BSH do të rishikojë buxhetin e shtetit. Ekonomia humbi 17 mijë vende punë. Ndërsa ekonomia shqiptare pësoi një rënie të lehtë. Sektori bankar mbetet i shëndetshëm. Ekonomia pritet të shënojë një rënie të madhe në 2020. Kreditë me probleme kanë rënë me 8.1%. Papunësia arriti në shifrat 11.4%. Paketat e deritanishme kanë ndihmuar në efektet e krizës. Inflacioni pritet të qëndroj pranë niveleve aktuale. Sipas të dhënave ekonomia u tkurr me 2.52%. Goditja e pandemisë, tregtia apo eksporti u tkurr me 33%. Miksi aktual i politikave fiskale dhe monetare është i duhur”, u shpreh ai.
Më tej, guvernatori u shpreh se rikthimi i një vale të dytë të pandemisë do të rriste problemet, pasi gjërat po shkojnë drejt përmirësimit.
“Gjatë kësaj periudha, depozitat janë rritur. Depozitat janë rritur dhe gjendja e cash është rritur. Po ashtu, është rritur paraja cash në qarkullim. Planet tona do të jenë në bazë të asaj si shkon gjendja me pandeminë”, tha Sejko.
Fatkeqësisht Shqipëria ka popullsinë më të pakënaqur në rajon me mënyrën sesi po ecin gjërat në ekonominë e tyre (lexo këtu).
Anketa e Këshillit të Kooperimit Rajonal, nxirrte dje një përqindje të lartë të tyre që kanë të vështirë të paguajnë faturat mujore të dritave dhe ujit, pagesën e qirasë, sigurimin e ushqimeve të nevojshme, ngrohjen e shtëpive dhe kalimin e pushimeve një javë jashtë vendit (lexo këtu).
Situata e vështirë lidhet edhe me krizën e pandemisë që këtë vit goditi shumë sektorin e shërbimeve dhe transportit në vend. Shumë prej bareve dhe restoranteve u detyruan të mbylleshin, dhe kjo solli largimin nga puna të shumë personave të punësuar.
Bizneset janë jashtëzakonisht të prekura, pasi kanë qira të larta, dhe ky sektor duhet të përfitojë edhe uljen e TVSH-së. Gjithashtu lëvrimi i kredisë për baret dhe restorantet, në mënyrë që të përgatiten për hapjen e sezonit veror, do të ishte zgjidhja perfekte për përballimin e krizës për këto biznese.
/Iconstyle.al
