Kim Kardashian dhe partneri i saj i ri, Pete Davidson, shkëmbyen puthjen e tyre të parë teksa luanin një skeç në “Jimmy Kimmel Show”.
Kim luante rolin e princeshës Jasminë ndërsa Pete ishte në rolin e Aladinit, teksa i dhuruan njëri-tjetrit një baby kiss për hir të rolit.
Megjithatë, duket se mes tyre ka pasur kimi të fortë dhe ajo nuk ishte puthja e vetme që ndodhi (megjithëse vetëm atë pamë). Kim dhe Pete nisën një lidhje që po konsolidohet nga dita në ditë.
Tashmë Kim ka nisur të flasë hapur për partnerin e ri dhe tregon gjithmonë sa mirë e bën ai të ndihet. Madje, për Shën Valentin ai i ka dhuruar partneres kostumin e princeshës Jasminë, që ajo e mbante të veshur në rol, në “Jimmy Kimmel Show”.
Duke qenë se ata luajtën rolin e një çifti të dashuruar, shkëmbyen puthjen e parë dhe aty nisën shkëndijat e para mes tyre, ky gjest ishte më shumë se romantik nga ana e Pete Davison!
Megjithëse lidhja e saj e re kishte “kundërshtime” nga ish-partneri, Kanye West, duket se gjërat janë shtruar. Reperi ka pranuar të mos ndërhyjë më mes tyre dhe të jetë një baba shembullor për katër fëmijët që kanë bashkë.
