Megjithëse “bad boy”, të gjithë e dinë sa djalë i mirë bëhet Stresi kur vjen puna tek mamaja e tij. Reperi ka treguar gjithmonë ç’raport të veçantë ka me të ëmën, të cilës i ka dedikuar një këngë të titulluar “Të du mom”.
Në fakt, ajo është pika e dobët e Stresit dhe i vetmi person për të cilin ai shqetësohet vazhdimisht. Meraku më i madh i tij është t’i përkushtohet aq sa duhet nënës së tij, pasi koha kalon shpejt.
Pavarësisht faktit që s’qëndron dot me familjen gjatë gjithë kohës së tij, ai është gjithmonë në kontakt me prindërit. Madje, e ëma e Stresit ka hapur një llogari në Instagram për të kontaktuar me djalin e saj.
Reperi ka ndarë në InstaStory një bisedë me mamanë e tij, e cila i tregon sa shumë i mungon i biri.
“Nëna të ndjek kudo. Zoti i bekoftë nënat tona të dashura!
Kam bërë aq shumë për njerëzit dhe për vendin tim, saqë nënës i mungoj përditë. Por s’ka problem, ajo e mbështet kauzën time dhe e di fort mirë edhe nëna ime që është vështirë me rrëzu një njeri që nuk dorëzohet kurrë.”- shkruan ai krahas bisedës me mamanë e tij.
