Amber Heard doli nga një takim katër-orësh me ekipin e saj ligjor në Los Anxhelos në një gjendje shpirtërore më të gëzuar, duke qeshur me lehtësim dhe përqafon një mike.
Aktorja, e cila ka kërkuar divorc nga Johnny Depp dhe e akuzoi atë për dhunë, është fotografuar në gjendje të mirë shpirtërore, pasi ajo u largua nga godina e zyrës e qeshur drejt limuzinës që po i priste.
Heard, e cila mbante një laptop, mbërriti në zyrë në rreth orës 15.00 të shtunën dhe nuk u largua para orës 19.30.
Në dokumentet e gjykatës, Heard tregon për dhunën e pretenduar gjatë martesës së tyre 15-mujore, duke thënë se ajo “ka jetuar në frikë” nga bashkëshorti i saj Johnny Depp dhe e shqetësuar se ai mund të kthehej në shtëpinë e tyre në Los Angeles për ta “terrorizuar fizikisht dhe emocionalisht”.
Nga ana e tij aktori hollivudian, Johnny Depp hodhi poshtë pretendimet e gruas se tij, Amber Heard, që e ka përshkruar si një tiran.
Avokatët e aktorit do t’i kundërshtojnë pretendimet aktores se ai e ka qëlluar me një telefon së fundmi dhe se ka ushtruar dhunë fizike edhe në disa raste të tjera.
Një avokate e Depp ka thënë se gruaja e tij po përpiqet t’ia rrëmbejë pasurinë aktorit dhe është fjala për 300 milionë dollarë që dëshiron ajo të përfitojë nga shkurorëzimi.
“Amber po përpiqet të përfitojë një shumë të madhe duke përdorur pretendimin se është sulmuar fizikisht”, ka thënë mes të tjerash avokatja.
Amber e martuar me një femër
Ndërkohë, dokumentet e reja kanë zbuluar se Amber Heard e konsideronte më parë veten e martuar me ish-partneren e saj Tasya Van Ree, para se ajo të kurorëzohej me Johnny Depp.
Ndërsa martesa në të njëjtën gjini nuk ishte e ligjshme në atë kohë, ish-çifti bëri çdo gjë që do t’i bënte ato ligjërisht sa më të afërt me martesën. Ndërsa “Mirror” raporton se, disa dokumente ligjore tregojnë se dy femrat e shikonin veten si një çift të martuar, edhe nëse në letër kjo fjalë nuk mund të përdorej në rastin e tyre tetë vite më parë.
Madje në 2008-n aktorja ndryshoi mbiemrin e saj në atë të partneres së saj fotografe, Amber Van Ree. Ato bënë një martesë të fshehtë në 2011-n në Nju-Jork, por nuk e shpallën kurrë zyrtarisht. Vetëm në vitin 2013, Amber bëri kërkesë për të ndryshuar sërish mbiemrin. Ishte shoqëria e vazhdueshme e Amber me ish-gruan e saj, e cila pretendohet që çoi në zemërimin e aktorit Johnny.
*Shfleto galerinë
Burimi: Daily Mail
