Qëkurse ndau me botën foton që lajmëroi se ajo ishte bërë nënë e binjakëve Rumi dhe Sir, Beyonce është munduar të tregohet mëse e kujdesshme për të ruajtur privatësinë e vogëlushëve të tyre duke mos i shfaqur kurrë në rrjetet sociale.
Por tashmë që vogëlushët e saj po rriten, duket se politikat e privatësisë në shtëpinë Carter kanë ndryshuar, pasi së fundmi , këngëtarja me famë botërore ka postuar një foto ku shihet duke mbajtur në prehër binjakët.
Në foton e adhurueshme, vogëlushja Rumi shihet duke buzëqeshur ndërsa Sir, disi më serioz, ka ngulur shikimin diku pas objektivit të kamerës.
Të vegjlit vetëm një muaj më parë kanë festuar ditëlindjen e tyre të parë, ndërkohë që prej disa javësh shoqërojnë prindërit e tyre të famshëm në turneun botëror “OTR 2”.
Familja Carter momentalisht po pushon në jug të Italisë në jahtin e tyre gjigant.
