Të bësh një gjumë të mirë natën rrit fuqinë e trurit të femrës, por meshkujt përfitojnë më shumë nga dremitjet e shkurtra.
Në këtë përfundim dolën kërkimet e shkencëtarëve të Institutit “Max Planck” në Mynih, që analizuan modelet e gjumit të 160 të rriturve, për të dalë në përfundimet sesi gjumi ndikon në kapacitetin intelektual.
Kërkimet monitoruan modelet e gjumit të grupit, të cilët iu nënshtruan testeve inteligjente, për të patur akses në arsyetimet dhe aftësitë për të zgjidhur probleme. Ata monitoruan të dhënat e gjumit të tyre dhe aktivitetin e gjumit, për të dalë në përfundime të formave të ndryshme te gjumit sipas gjinisë.
Ata zbuluan se të dhënat e gjumit, që janë të lidhura me rezultatet më të larta të të dhënave të IQ, u rritën kur femrat hynë në një gjumë pa ëndrra. Për meshkujt nuk u gjet një lidhje e tillë. Gjithsesi analizat e aktivitetit të trurit njerëzor zbuluan se i njëjti stimulim ndodhi kur ata dremisnin.
Profesori Martin Dresler tha: “Ka shumë faktorë të përfshirë në aftësitë intelektuale dhe gjumi është vetëm një prej tyre”.
Burimi: Independent
