Ish-anëtarja e grupit Spice Girls, Victoria dhe ish-futbollisti David Beckham, kanë krijuar një biznes familjar që një ditë mund të vjelë një miliard.
Familja e tyre vlerësohet me më shumë se 500 milionë sterlina pasuri, me talente të shumta që vetë Victoria i ka quajtur një “cirk udhëtimi”, shkruan Mirror.
Ata janë më të pasur edhe se Mbretëresha e Anglisë. Mes tyre, Victoria e David kanë punuar me firma si: Pepsi, Roceawear, Adidas, Gillette, Police dhe Armani dhe edhe fëmijët e tyre po vazhdojnë në hapat e prindërve.
Në aventurën e fundit për markën Beckham, djali i tyre 11-vjeçar Cruz ka publikuar një këngë nën përkujdesjen e Scooter Braun, që kujdeset edhe për Justin Bieber. Victoria e ka marrë shumë seriozisht karrierën e të birit dhe për këtë ka kërkuar edhe ndihmën e Nicole Scherzingher për të realizuar një duet me djalin e saj.
Nicole është shprehur e gatshme për ta mbështetur Cruz Beckham. “Do e bëja një duet. Mbase do jetë gjëja tjetër e radhës” , u shpreh ajo.
