Një tjetër nga një milion arsye për të dashur më shumë Lady Gagën. Teksa po ecte të dielën në tapetin e kuq të Oscars 2023 , këngëtarja e “Poker Face” nxitoi për të ndihmuar një fotograf i cili u rrëzua pas tij.
Ai po përpiqej të kapte një foto të Gaga-s, përpara se të humbiste ekuilibrin dhe të përplasej në tokë. Gaga, e tronditur, bërtiti përpara se të vraponte për të ndihmuar fotografin, teksa ai u ngrit shpejt në këmbë.
Pasi kuptoi se ishte mirë, këngëtarja fituese e Oskarit u kthye në ngjarjen kryesore, ndërsa të pranishmit vlerësuan gjestin e saj të këndshëm.
Gaga mahniti me një fustan të zi me një bluzë të tejdukshme korse dhe një fund të plotë. Ajo e shoqëroi veshjen me bizhuteri të Tiffany & Co, duke përfshirë një gjerdan me diamant, një byzylyk dhe një palë vathë të thjeshtë diamanti.
Ylli i pop-it, i cili performoi “Hold My Hand” në ceremoninë e mbushur me yje, e kompletoi pamjen me buzëkuq të kuq me shkëlqim, grim të errët të syve dhe një topuz të lëmuar.
Paraqitja e saj erdhi si befasi , duke pasur parasysh faktin se producenti ekzekutiv i Oscars dhe drejtuesi i shfaqjes, Glenn Weiss më parë pretendoi se Gaga do të mungonte në shfaqjen e çmimeve për shkak të orarit të saj të xhirimeve për “Joker: Folie à Deux”.
