Kjo foto, e Princit Louis me Mbretëreshën Elizabeth është nominuar për ‘foton e vitit’ në çmimet Picture Editor.
Fotoja është bërë nga fotografi Samir Hussein gjatë Jubileut Platinium të monarkut të ndjerë vitin e kaluar. Princi Louis është djali i dytë i Princit William dhe Kate Middleton, Princit dhe Princeshës së Uellsit.
Duke e ndarë foton në Instagram, fotografi shkroi:
“Me të vërtetë i lumtur që fotoja ime e Mbretëreshës me Princin Louis u nominua për Foton e Vitit në Picture Editor Awards. Një nder i vërtetë të njihesh mes imazheve të tilla mahnitëse.”
View this post on Instagram
Ai u kërkoi ndjekësve të tij që të votojnë për të pasi fituesi do të zgjidhej nga publiku.
Kujtojmë se mbretëresha Elizabeth vdiq në moshën 96-vjeçare në shtator të vitit të kaluar. Familja mbretërore po përgatitet të nderojë monarken e ndjerë në përvjetorin e saj të parë të vdekjes.
