Konsiderojeni veten të pasur nëse fitoni 70.000 paundë ose më shumë, sipas deputetit të laburistëve, John McDonnell.
Duke folur për programin “Today” në BBC, ai definoi fjalën “të pasur”.
“Ne besojmë se i pasuri duhet të ketë të ardhura mbi 70.000 deri në 80.000 paundë në vit dhe që definon se duhet të paguajnë më shumë”, u shpreh ai.
Pohimi i tij hapi polemika në “Twitter”, nëse kaq të ardhura e bëjnë dikë të pasur. Opinionet ndryshonin, veçanërisht nga ata që jetojnë dhe punojnë në Londër, por “The Guardian” ka statistika për të mbështetur komentet e McDonnell.
Të dhënat tregojnë se vetëm 5% e tatimpaguesve kanë fituar mbi 70,000 paundë ose më shumë, në periudhën 2014-2015. Shumica e tatimpaguesve në Mbretërinë e Bashkuar (25.2%) paguhen midis 20,000 dhe 30,000 paundë. Rreth një e pesta (19.8 %) fitojnë mes 30,000 dhe 50,000 paundë.
Kjo vlen për në Mbretërinë e Bashkuar, pasi në Shqipëri për t’u quajtur të pasur mjafton të marrësh më pak.
Burimi: Harper’s Bazaar
