Ai është një ndër grimierët më të famshëm në botë. I preferuari i motrave Kardashian-Jenner, i Eva Longoria, Demi Lovato, Megan Fox dhe shumë personazheve të njohur të showbiz-it ndërkombëtar më në fund do të mbërrijë në Shqipëri.
Mario Dedivanoviç, artisti i grimit me origjinë shqiptare, i cili sapo ka nisur një realit-show së bashku me Kim Kardashian më në fund ka konfirmuar se do të vij në Shqipëri për një eveniment që do të mbledh gjithë trevat shqiptare.
“Oda” quhet evenimenti gala, i cili vjen si një mbrëmje që ka për synim promovimin e vlerave, kulturës dhe turizmit në Shqipëri, Kosovë, Maqedoni e Mal të Zi.
Në këtë mbrëmje do të jenë të ftuar emra të mirënjohur të artit, sportit e biznesit, të cilët do të vlerësohen edhe me çmime të ndryshme për përfaqësimin e vlerave shqiptare në mbarë botën.
Natyrisht që nuk mund të mungonte as Mario, grimieri i famshëm i cili që në hapat e para të karrierës ka folur për origjinën e tij shqiptare. Majde ka bërë edhe Kim-in të flas shqip.
Dedivanoviç do të mbërrijë në Tiranë më 19 janar, për të marrë pjesë në mbrëmjen gala “Oda” në datën 20 janar në ambientet e Pallatit të Brigadave.
