Tolgahan Sayisman mbylli me sukses telenovelën “Sampiyon” (Kampioni) që u transemtua në TRT1 dhe tashmë prej kohësh ka nisur xhirimet për një projekt të ri. Në Turqi pritet të nisë së shpejti transmetimi i telenovelës më të re “Seref Sozu” (Fjala e nderit), në të cilën Tolgahan ka rol kryesor. Përkrah tij luan edhe aktorja tjetër turke Sude Zulal Guler dhe i gjithë seriali po pritet me padurim nga fansat e dyshes protagoniste.
Së fundmi është publikuar një pjesë nga telenovela, që duket se do të anojë më shumë nga zhanri i dramës. Tolgahan ka ndarë përmbledhjen dhe e para që e ka mbështetur ka qenë bashkëshortja e tij, bukuroshja shqiptare Almeda Abazi.
Kjo e fundit ka publikuar në profilin e saj telenovelën dhe përkrah ka shkruar: “Çfarë bashkëshorti të bukur që kam! Jam shumë krenare për ty zemra ime”.
Në fakt kjo nuk është hera e parë që Almeda përkrah publikisht partnerin e saj, sepse sa herë që kanë ndonjë projekt të ri ata janë të parët që mbështesin njëri-tjetrin. Të gjithë çiftet që ecin përkrah njëri-tjetrit në çdo hap kanë një marrëdhënie të lumtur dhe Almeda e Tolgahan janë shembulli perfekt!
