Ryan Reynolds dhe Blake Lively i kanë mbajtur larg kamerave dy vajzat e tyre për disa kohë, por e gjithë kjo ndryshoi brenda një ditë. Prindërit krenarë sapo i nxorën dy vogëlushet e tyre, 2-vjeçaren James dhe motrën e saj të sapolindur, të cilat ishin ato që vodhën shfaqjen.
Aktori 40-vjeçar u bashkua me familjen e tij, teksa u nderua me një yll në Bulevardin e Famës në Hollywood (Hollywood Walk of Fame).
Bashkëshortja e tij Blake Lively ishte atje për ta mbështetur, ndërsa solli dy vajzat, përfshirë edhe të sapolindurën vetëm 2-muajshe.
Familja madje ndau një moment shumë të këndshëm pranë yllit të aktorit, ndërsa vajza më e madhe mbante një mikrofon dhe qeshte për kamerat, ndërsa Ryan ledhatonte dhe puthte të sapolindurën.
Aktori dhe bashkëshortja e tij 29-vjeçare e kanë mbajtur jetën e tyre familjare private, pa dyshim që duhet të ishte një rast special për të nxjerrë për herë të parë publikisht vogëlushet në një event.
Pa dyshim që Ryan ishte shumë i emocionuar për praninë e tyre, ndërsa i përmendi më herët gjatë fjalimit duke iu drejtuar turmës.
“Dua të falënderoj bashkëshorten time, Blake, e cila është ulur atje, që është gjithçka për mua. Ti jeni gjëja më e bukur që ka ndodhur ndonjëherë. Ti zbukuron gjithçka. Ti bën çdo gjë në jetën time më të mirë. Ti më ke dhënë dy nga fëmijët më të mrekullueshëm që kam shpresuar ndonjëherë të kem”, u shpreh Ryan.
Ishte përfshirë e gjithë familja, ndërsa nëna e aktorit Tammy ishte gjithashtu e pranishme, ashtu si edhe nëna e Blake, Elaine.
Ryan dukej si gjithmonë shumë tërheqës me kostumin e zi me një pallto gri, për ditën speciale. Blake dukej e mrekullueshme me fustanin e gjatë blu dhe sandalet ciklaminë dhe blu.
Ryan ka pasur një karrierë impresionuese prej 25 vitesh, e cila nisi në serialin televiziv “Fifteen” në vitin 1991. Karriera e tij tërhoqi vëmendjen në 1998-n, kur ai u shfaq në “Two Guys”, “A Girl And A Pizza Place”. Ai nisi vrullin kur drejtoi komedinë “Van Wilder: Party Liaison” në 2001-shin.
Ai është një nga aktorët më të mirë zhanrin e komedisë romantike, kur luajti në “The Proposal”, “Adventureland”,“ The Change-Up” dhe “Just Friends”. Ryan ka qenë një aktor aksioni në filmat, “Green Lantern”, “R.I.P.D”,“ X-Men Origins: Wolverine”,“ Blade: Trinity” dhe më i suksesshmi “Deadpool”.
Burimi: Daily Mail
