Presidenti ukrainas Volodymyr Zelensky ka pohuar se Rusia ka rrëmbyer mbi 200,000 fëmijë, duke i ndarë ata nga familjet dhe duke i marrë nga jetimoret.
Gjatë një fjalimi të tij, Zelensky foli për ndikimin që pushtimi i Rusisë ka pasur tek fëmijët e vendit të tij.
Ai tha se 243 fëmijë kanë vdekur tragjikisht, 689 janë lënduar dhe 139 janë zhdukur.
Këto shifra përfshinin vetëm fëmijët për të cilët ata ishin në dijeni.
Për më tepër, ai foli gjithashtu për “politikën kriminale” të Rusisë, për vjedhjen e ukrainasve dhe “deportimin me forcë” të tyre përtej kufirit.
Zelensky e quajti këtë si një nga “krimet më të tmerrshme të luftës” dhe tha se përfshinte fëmijë nga jetimoret, fëmijë me prindër dhe fëmijë të ndarë nga familjet e tyre.
Ai tha se Rusia po përpiqet që të “fshijë të ardhmen e Ukrainës”.
Presidenti dha gjithashtu dhe disa raste, që në fakt janë tronditëse.
“14-vjeçarja Anya u vra së bashku me nënën dhe gjyshen e saj kur minibusi me të cilin po përpiqeshin të arratiseshin u qëllua nga trupat ruse”.
Ai foli gjithashtu për një vajzë të vogël të quajtur Polina, e cila nuk ishte as dy vjeç.
Ajo jetonte në Boroyanka dhe kishte qenë në shtëpi kur një tank rus qëlloi mbi shtëpinë e saj, duke e vrarë atë menjëherë.
Ai vazhdoi: “Ashtu si Denisi i vogël nga rajoni Zhytomyr, nga fshati Malynivka, i cili vdiq me gjithë familjen e tij kur një aeroplan rus hodhi bomba në fshat. Denisi ishte më pak se dy vjeç.
“Si Stepan nga fshati Novi Petrivtsi. Ai ishte më pak se tre vjeç kur një predhë ruse goditi oborrin e shtëpisë. Fëmija vdiq menjëherë”.
“Mykyta nga qyteti i Izyum, rajoni i Kharkiv. Ai ishte 3 vjeç. Natën e 3 marsit, ai u vra nga një sulm ajror rus në qytet”.
Këto ishin disa nga rastet që rrëfeu Zelensky.
Fëmijët që janë rrëmbyer, do të adoptohen në Rusi dhe nuk do të kenë mundësi për tu rikthyer në Ukrainë.
