Nga “gjenocidi në Donbas” te misioni i Putinit “për liri”, këto janë disa nga frazat kryesore të propagandës ruse të përdorura në TikTok.
Disa ditë përpara se TikTok të pezullonte të gjitha transmetimet e drejtpërdrejta dhe përmbajtjet e reja nga Rusia në platformën e saj, video të influencer-ve rusë që mbështesin luftën ndaj Ukrainës qarkulluan në internet.
Sipas raporteve nga gazeta kanadeze “Vice”, rusët kanë financuar shumë llogari të njohura në rrjetin social më të përdorur nga moshat nën 20 vjeç për të treguar operacionin ushtarak të Kremlini-t në Ukrainë sipas një narrative që është afër pozicionit të Vladimir Putin.
Shumë nga këto fushata u koordinuan përmes kanaleve të fshehtë të krijuar në aplikacionin e mesazheve të çastit Telegram, me biseda të ndryshme në të cilat ndikuesve u sugjerohej se çfarë të thoshin dhe çfarë përmbajtje të postonin dhe të shpërndanin, duke përfshirë video dhe imazhe.
Këto fushata u nisën në fillim të pushtimit dhe kanë përfshirë një numër ndikuesish në TikTok, disa prej të cilëve kanë mbi një milion ndjekës.
Fushata e dezinformimit nuk u ndal as me pezullimin e aktiviteteve në vend nga vetë rrjeti social, me pamundësinë e ngarkimit të videove për ata që jetojnë në Rusi. Përmbajtja e postuar tashmë vazhdon të shpërndahet sërish dhe në Telegram është një administrator anonim, ndoshta një gazetar, që koordinon aktivitetin e tyre.
Fushata paguhet me të njëjtën shumë që ndikuesit do të kërkonin për çdo përmbajtje tjetër të sponsorizuar. Të paguara nga 2 mijë deri në 20 mijë rubla, për shkak të vlerës së monedhës ruse aktualisht në rënie të fortë, prandaj flasim për shifra që variojnë nga 13 deri në 136 euro afërsisht.
Shumë nga përmbajtjet dhe videot që shpërndahen kanë të bëjnë me referenca ndaj fjalive dhe fjalimeve të shqiptuara nga vetë Vladimir Putin. Ndër argumentet, referenca e vazhdueshme që bën lideri i Kremlinit janë thirrjet ndaj grupeve të ndryshme etnike në Rusi, dhe për rrjedhojë edhe pakicave, për t’iu bashkuar konfliktit dhe për të mbrojtur kauzën e Moskës.
Megjithatë, Shtetet e Bashkuara nuk rrinë duarkryq dhe janë plotësisht të vetëdijshme për rreziqet që hasin përdoruesit më të papërvojë përballë një fushate kaq të mirë-orkestruar në TikTok.
