Talentin e Alanës së vogël e kuptuam, që pas botimit të librit për fëmijë “Përrallat e Pitilushes”, në bashkautorësi me mami, Rudina Xhungën.
Por vajza e gazetares së njohur dhe ish-diplomatit Dritan Hila ka një pasion të fshehur edhe për ngjyrat e vizatimin, i cili i dha më shumë gjallëri festës së saj të datëlindjes.
Krahas tullumbaceve dhe animatorëve, në 5-vjetorin e lindjes të vajzës së vetme të çiftit Xhunga-Hila, vëmendjen kryesore e morën vizatimet e saj, që mami Rudina i kishte ruajtur me aq kujdes për shumë vite.
“Alana lindi si tani, 5 vjet më parë. Unë edhe Dritan Hila nuk kemi bërë asgjë të krahasueshme me të, në jetë. Faleminderit Alana që na bëre mam e babi. Dhe një këshillë për mamatë: ditëlindja e Alanës është e gjitha dekoruar me pikturat e saj. Nuk ka artist më të mirë se fëmija yt. Mjafton ta shohësh botën me sytë e saj”, ka shkruar Xhunga në rrjetet sociale, krahas fotove.
