Gazetarja Kozeta Kurti ishte e ftuara e rradhës në emisionin “Rudina”, e cila sapo mbërriti në studio sqaroi të gjithë shikuesit për një keqkuptim në lidhje me moderatoren Rudina Magjistari. Duket se moderatorja e “Klan” u kap në befasi, pasi nuk ia kishte aspak idenë se për çfarë bëhej fjalë.
“Disa vite më parë në një intervistë u shpreha se nëse do të kisha një emision, nuk do të zgjidhja të kishte emrin tim, pasi duket sikur më pëlqen vetja. Të nesërmen vërshuan portalet me tituj: Kozeta, kunjë me Rudina Magjistarin! Ndaj thashë që Rudina ma ka falur kunjën kur u futa në studio.” – tha Kozeta Kurti.
Me këtë rast, Rudina duket se sqaroi edhe zgjedhjen e emrit për emisionin e saj.
“Nëse është një program i suksesshëm dhe mjaft popullor, domosdo e merr vetë emrin. Është e pashmagshme.” – tha moderatorja Rudina Magjistri.
Kozeta Kurti foli në emision edhe për veprën “At Sergi”, që do të ngjitet në skenën e ArTubinës nga data 15-18 nëntor.
