Tashmë që sezoni televiziv ka përfunduar, Rudina Magjistari po shijon pushimet verore përkrah familjes.
Nga fotot e postuara në profilin e saj në “Instagram”, duket se moderatorja e “Klan” ka zgjedhur të pushojë buzë detit dhe nuk mungojnë edhe imazhet e ëmbla ku shfaqet me vogëlushen e saj.
Mirëpo sot, Rudina ka guxuar dhe ka postuar për herë të parë një foto me rroba banje. Ajo shfaqet e ulur buzë pishine, teksa mbi kokë mban kapelen ku është e printuar personazhi vizatimor Moana, si dhe ka veshur një pale rroba banje me printe lulesh.
Moderatorja duket mjaft në formë dhe e lumtur, teksa rrezaton vetëm pozitivitet me buzëqeshjen e saj.
