Teksa ishte e ftuar në emisionin e pasdites “Ftesë në pesë” me Bieta Sulon, aktorja Rudina Dembacaj foli për një histori që i kishte ndodhur në kopësht vajzës së saj, Viktorias.
Teksa ishte në praninë e edukatores, një moshatar i grupit e kishte qëlluar vajzën e Rudinës, ndërsa vogëlushja i kishte treguar menjëherë të atit.
Rudina ishte revoltuar nga kjo ngjarje dhe kishte kërkuar të hapte kamerat e kopështit, për ta parë me sytë e saj ngjarjen që kishte ndodhur.
“Edukatorja u hoq nga puna. Të mendosh që dikush ka prekur fëmijën tendë, unë aty nuk mbaj.”- u shpreh ndër të tjera Rudina, e cila pranoi se e kishte mësuar të bijën të vetëmbrohej duke goditur.
Kjo ishte edhe arsyeja që disa ditë më parë, ajo u shpreh në rrjete sociale:
“Fëmija im po edukohet me ta thy në mes fëmijën tënd po e krujti tepër. Pra edukoni secili fëmijën e vet.”
Teksa rrëfente këtë histori, ajo nisi të përlotej para kamerës dhe u shpreh se do të bëhej gjithmonë shqiponjë për të drejtat e vajzës së saj.
